SERAT WULANGREH PUPUH SINOM (KLS 7 SEM 2)

Serat Wulangreh Pupuh Sinom


 

Kompetensi Dasar

3.2.  Memahami teks Piwulang Serat Wulangreh pupuh Sinom

 

Indikator

3.1.1   Menyebutkan nama penulis “Serat Wulangreh”

3.1.2   Menjelaskan struktur “tembang macapat Sinom”

3.1.3   Mengajukan dan menjawab pertanyaan tentang isi Serat Wulangreh dalam pupuh “tembang macapat Sinom”

3.1.4   Menuliskan isi pokok tiap bait Serat Wulangreh dalam pupuh “tembang macapat Sinom”

 

 

Serat Wulangreh iku salah siji asiling karya satra jawa kang kawentar (terkenal). Isine Serat Wulangreh wujude tembang macapat kang ngemot (memuat) telulas (13) pupuh, yaiku

1.    Pupuh Dhandhanggula                  

2.    Pupuh Kinanthi                              

3.    Pupuh Gambuh                             

4.    Pupuh Pangkur                              

5.    Pupuh Maskumambang                

6.    Pupuh Megatruh                           

7.    Pupuh Durma

8.  Pupuh Wirangrong

9. Pupuh Pocung

10. Pupuh Mijil

11. Pupuh Asmaradana

12. Pupuh Sinom

13. Pupuh Girisa


Saben pupuh mau duwe pathokan (aturan) beda-beda.

        Serat Wulangreh iku ditulis dening Sri Sunan Pakubuwono IV Raja Kraton Kasunanan Surakarta Hadiningrat kang kaping III. Panjenengane  jumeneng dadi raja  taun 1788 - 1820.

Ing kalodhangan iki, para siswa bakal sinau Serat Wulangreh Pupuh Sinom. Ing Pupuh Sinom iki jumlah pada/ baite kabehe ana 33. Nanging  sing disinau ora kabeh, mung sethithik wae kanggo latihan.

 

A.    Mahami Strukture Tembang Sinom

        Wacanen teks tembang sinom ngisor iki!

Ambeke kang wus utama,  

tan ngendhak gunaning jalmi,

amiguna ing aguna,

sasolahe kudu bathi,

pintere den alingi,

bodhone didokok ngayun,

pamrihe den inaa,

mring padha padhaning jalmi,

suka bungah den ina sapadha-padha.

 

 

 

 

 

 

 

 Tembang macapat duwe pathokan/aturan werna 3 yaiku:

                1.            Guru gatra

       Yaiku cacahe/jumlahe gatra/ larik saben sabait tembang, yen digambar kaya ngene :

 

( pada/bait iki dumadi saka 9 baris )

-------------------------------------------    

-------------------------------------------        

-------------------------------------------

-------------------------------------------

-------------------------------------------

-------------------------------------------

-------------------------------------------

-------------------------------------------

-------------------------------------------

 

                2.            Guru wilangan

Yaiku jumlahe wanda/suku kata saben gatra/larik tembang, jelase kaya ngene :

 

Am bek -   e   kang  wus   u    ta     ma

1      2        3    4        5       6     7       8

( larik ing dhuwur duwe  8 suku kata  )

 lan sateruse saben larik ing gatra tembang mau dietung jumlah suku katane pira

 

                3.            Guru lagu

Yaiku  tibane swara vokal ( a, i u, e, o )  ing pungkasan/akhir larik, tuladhane iki  :

Ambeke kang wus utama  (a)

tan ngendhak gunaning jalmi    (i)

amiguna ing aguna   (a)

 

Kanthi penjelasan ing dhuwur para siswa saiki ngerti  jeneng-jenenge tembang macapat  lan apa bae pathokane. Perlu dingerteni yen pathokan mau ora padha saben tembange. Coba kanggo latihan, golekana kanthi utuh pathokane tembang Sinom ing dhuwur mau!

No

guru gatra

guru wilangan

guru lagu

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

B.     Mahami Isine Tembang Sinom 

Wacanen teks tembang Sinom lan teks ing sisih tengene!

Teks Sinom ing Wulangreh

Teks Basa Jawa bebas (artine)

Ambege kang wus utama,                         (1)

tan ngendhak gunaning jalmi,

amiguna ing aguna,

sasolahe kudu bathi,

pintere den alingi,

bodhone didokok ngayun,

pamrihe den inaa,

mring padha padhaning jalmi,

suka bungah den ina sapadha-padha.

Sikape  wong sing wis sampurna,

ora ngremehke kepinterane wong liya,

ora minteri wong sing ora pinter,

tingkahe kudu manpaat,

kepinterane diumpetake (ora pamer),

bodhone dideleh ngarep (dituduhake)

tujuane ben diece (dipoyoki),

karo wong-wong liya,

krasa seneng nek diece wong liya.

Ingsun uga tan mangkana,                        (2)

balilu kang sun alingi,

kabisan sun dokok ngarsa,

isin menek den arani,

balilune  ngluwihi,

nanging tenanipun cubluk,

suprandene jroning tyas,

lumaku ingaran wasis,

tanpa ngrasa prandene sugih carita.

Nek aku uga ora kaya ngono,

bodhoku sing takumpetake,

kepinterane tak deleh ngarep (pamer),

sebab isin nek diarani,

bodhone kebangeten,

nanging nyatane bodho temenan,

dene ing jero ati (niyate),

tumindake ben diarani pinter

ora rumongsa akeh ngomonge ngapusi.

Tur duk ingsun masih bocah,                    (3)

akeh kang amituturi,

lakune wong kuna-kuna,

lelabetan kang abecik,

miwah carita ugi,

kang kajaba saking ngebuk,

iku kang aran kojah,

suprandene ingsun iki,

teka nora nana undaking kabisan.

Wektu aku isih bocah (cilik)

akeh banget sing nuturi (nyritakake),

tumindake wong-wong kuna,

olehe ngabdi carane kang becik

lan uga ana crita,

kang durung mesthi bener sumbere,

yaiku sing diarane dongeng,

nanging meksa aku iki,

tetep ora tambah kepinterane.

Carita nggonsun nenular,                          (4)

wong tuwa kang momong dhingin,

akeh kang sugih cerita,

sun rungokna rina wengi,

samengko isih eling,

sawise diwasa ingsun,

bapa kang paring wulang,

miwah ibu mituturi,

tata krama ing pratingkah karaharjan.

Crita sing dakomongake iki,

saka wong tuwa mbiyen sing momong,

akeh sing sugih crita,

dakrungokake awan bengi,

tekan saiki isih kemutan,

sawise aku dhewasa (gedhe),

bapak sing maringi nasihat,

lan ibu sing nuturi (ngelikake),

bab tatakrama tumindak kang apik.

Nanging padha estokana,                          (5)

pitutur kang muni tulis,

yen sira nedya raharja,

anggonen pitutur iki,

nggoningsun ngeling-eling,

pitutur wong sepuh-sepuh,

mugi padha bisa,

anganggo pitutur iki,

ambrekati wuruke wong tuwa-tuwa.

Nanging padha lakonana,

nasihat sing ditulis iki,

yen kowe padha kepingin slamet,

nganggoa nasehat iki,

anggonku ngemut-emut,

nasihate wong tuwa-tuwa,

muga- muga padha bisa,

 nganggo nasihat iki,

 wulangane wong tuwa iku mberkahi.

Lan aja nalimpang madha,                        (6)

mring leluhur dhingin dhingin,

satindake den kawruhan,

ngurangi dhahar lan guling,

nggone ambanting dhiri,

amasuh sariranipun,

temene kang sinedya,

mungguh wong nedheng Hyang Widdhi,

lamun temen lawas enggale tinekan.

Lan aja padha wani nyepelekake (ngina)

marang leluhur mbiyen,

kabeh tindakane bisa dingerteni,

ngurangi mangan lan turu

lan nyiksa awake dhewe (tirakat),

kanggo ngresiki awak,

mula kesembadan kabeh kepinginane,

dene  wong nek ndonga marang Allah,

yen isih suwe dicepetake kelakone.

Hyang sukma pan sipat murah,               (7)

njurungi kajating dasih,            

ingkang temen tinemenan,

pan iku ujare Dalil,

nyatane ana ugi,

nenggih Ki Ageng Tarub,

wiwitira nenedha,

tan pedhot tumekeng siwi,

wayah buyut canggah warenge kang tampa.

Gusti Allah sipate murah,

ngabulake hajate manungsa,

sing temen (tekun) temenanan,

iku wis disebutake ing dalil (hadits),

buktine uga wis ana,

yaiku Ki Ageng Tarub,

dhisik dheweke kang nyuwun (ndonga),

ora pedhot tekan anak-anake,

putu buyut canggah wareng sing nampa

Panembahan senopatya,                          (8)

kang jumeneng ing Matawis,

iku barang masa dhawuh,

inggih ingkang Hyang Widdhi,

saturune lestari,

saking berkahing leluhur,

mrih tulusing nugraha,

ingkang keri keri iki,

wajib uga niruwa lelakonira.

Panembahan Senopati,

sing dadi raja ing Mataram,

cocok karo dhawuhe (hadis),

nugrahane Gusti Allah,

keturunane lestari pada dadi raja,

saka berkahe leluhur,

nyuwun supaya lestari nugrahane,

tekan keturunane sing keri,

wajib uga kowe nuru lelakone.


Sawise maca pasinaon ing dhuwur, garapen latihan iki!

1.      Sinten ingkang nyerat Serat Wulangreh? 

2.      Ingkang nyerat Serat Wulangreh menika raja ing kraton pundi? 

3.      Sekar Sinom ing Serat Wulangreh ngemot pinten pada/bait? 

4.      “Ambeke kang wus utama”. Baris iku mau tegese …. 

5.      Wong sing watake utama iku rumangsa yen kabeh tumindake kudu kepiye 

6.      Bodhone sing dituduhake// tujuane supaya diece// dening wong liya//. Ukara iku padha karo isine tembang Sinom ing ndhuwur gatra/ baris sing ka pira ? 

7.      Manut tembang Sinom ing ndhuwur, wong kang wis sampurna kapinterane sikape kepiye? 

8.      “balilu kang sun alingi” gatra/ / baris mau tegese …. 

9.      Manut pada/bait mau, wong sing ora pinter olehe ngomong kepiye? 

10.  Manut isine pada 5, yen kepengin uripe slamet, apa sing kudu dilakoni? 


Komentar

Posting Komentar

Postingan populer dari blog ini

CARITA RAMAYANA ( Materi BDR kelas 9 semester 1 )

Gambar
24 Juli 2021   PENILAIAN  1 KD  3.1 Memahami cerita wayang Ramayana lakon Anoman Duta 3.1.1 Mengartikan kata-kata yang dianggap sulit. 3.1.2 Mengajukan dan menjawab pertanyaan bacaan. 3.1.3 Menuliskan pesan yang terdapat dalam lakon cerita                          Sugeng enjang para siswa. Muga-muga para siswa pinaringan sehat. Aamiin... Mesthine para siswa wis tau nonton wayang, sanajan durung mesthi paham apa critane. Padahal isi crita wayang kuwi akeh sing ngandhut pitutur becik kanggo uripe manungsa sing gelem nggatekake. Wayang, tembung iku  bisa ditegesi wujude ayang-ayang ( bayangan yang tersamar ) mujudake gambaran uripe manungsa dhewe. Nah....sing penting saka crita mau, tujuane supaya bocah-bocah bisa methik pitutur/amanat sing ana ing jerone carita. Dina iki siswa-siswa bakal disuguhi wacan crita Ramayana sing judule Anoman Duta. Sadurunge kokwaca carita ing ngisor iki, teks wacan mau bi...
Baca selengkapnya

CERITA RAKYAT AJISAKA

Gambar
28 Agustus 2021 Assalamualaikum wr wb.... Sugeng enjang para siswa. Ayo tansah muji syukur marang Gusti sing wis maringi kesehatan lan nugraha marang kita kabeh. Ing dina iki bocah-bocah diparingi Ibu Guru  Carita Aji Saka. Ayo caritane diwaca dhisik!                                 AJI  SAKA   K ac a r ita ing j a m a n mb i y è n a na nom-noman s a ka T a n a h Hindhust a n j e n e n g é Aji S a k a . Dh è w è k é put ra n é raja ,  tapi   k e p é n g in d a di p a ndhita sing pint er . K a s e n e ng a né mul a n g k a w r uh (ilmu pengetahuan)   warna-warna . Dh è w è ké   terus   ke p é n g in lu n g a nyia ra ké i lmu k a w r uh i n g T a n a h J a w a . S a wijining  dina Aji  S a k a sida   m a n g k a t  m e n y a n g T a n a h  J a w a ,  k a r o a bdiné (pandherek) p a p a t si n g j e n e n g ...
Baca selengkapnya