MENULIS PENGALAMAN PRIBADI

4.4 Menulis pengalaman pribadi

Sugeng enjang para siswa...
Sugeng pepanggihan.
Ayo kita muji syukur marang Gusti Allah sing wis maringi pangayoman marang kita kabeh. Muga-muga apa sing kita sinaoni ing dina iki bisa aweh manfaat kanggo kita, khususe kanggo para siswa.

Minggu wingi sadurunge PTS, bocah-bocah wis sinau ngenani carita pengalaman pribadi. Saiki isih nerusake pasinaon minggu wingi.

Dina iki Ibu arep maringi tugas kanggo penilaian ketrampilan yaiku Nulis Pengalaman Pribadi


 Pengalaman pribadi yaiku pengalaman sing wis tau dilakoni awake dhewe. Mesthi para siswa duwe pengalaman akeh banget. Pengalaman iki werna-werna, kaya ta:

  1. Pengalaman ing sekolahan
  2. Pengalaman dolan karo kanca
  3. Pengalaman sing hubungane karo hobi utawa kasenengan
  4. Pengalaman melu sawijining kegiatan
  5. Pengalaman wisata 

 Salah sijine kaya ing gambar dhuwur iku.

    Nulis utawa ngarang mujudake kegiatan ngandharake sawijining pikiran, gagasan, pengalaman kanthi nggunakake lambang/ huruf. Supaya tulisanmu bisa runtut, luwih becik digawe sawijining cengkorongan/ kerangka luwih dhisik. Saengga ide-idemu mengko ora ana sing kliwatan utawa tumpang tindhih. Tuladhane, saupama bocah-bocah arep nulis pengalaman plesir maring Pantai Widuri. Bisa luwih dhisik nggawe cengkorongan kaya iki :

Plesir Maring Pantai Widuri

1. Rencana plesiran maring Widuri

  • Sapa sing duwe rencana
  • Sapa bae sing arep melu plesiran.
  • Kapan wektune plesiran
  • Matengake rencana plesiran

2. Mangkat maring Pantai Widuri

  • Persiapan arep mangkat maring Widuri
  • Apa bae sing digawa
  • Pamitan karo wong tuwa lan pituture bapak ibu
  • Swasana ing perjalanan     

3. Tekan ing papan wisata

  • Tuku tiket masuk
  • Golek panggonan sing nyaman
  • Nggelar klasa lan nata barang
  • Dolanan ing pantai
  • Padha maem sangu saka omah

4. Bali saka wisata

  • Sawise tekan omah
  • Perasaane sawise plesiran
  • Crita pengalamane marang bapak ibu
  • Angen-angen kepengin plesiran maneh

Ing dhuwur mau conto gawe cengkorongan kanggo nggampangake olehe nulis karangan. Kepenak to yen digawe ngono dhisik?

Saiki apa tugase para siswa?

TUGAS SISWA

  1. Tulisen sawijining karangan ngenani pengalaman pribadimu. Pengalaman apa bae (tema bebas) sing pernah dilakoni.
  2. Karanganmu ditulis ing kertas folio garis, saora-orane sehalaman folio.
  3. Luwih dhisik ditulis kerangka/cengkorongane.
  4. Tugas digarap saiki, nanging dikumpulake dina Senin tgl 5 Oktober 2020 sadurunge jam 12.00
  5. Nalika menyang sekolahan, nganggoa klambi sing rapi lan sopan, sepatunan, lan aja lali kudu nganggo masker!
Sugeng makarya!

2. 


Komentar

Posting Komentar

Postingan populer dari blog ini

Gambar
  UNDHA USUK BASA JAWA             Srawung ing masyarakat antarane wong siji lan liyane   mbutuhake basa   minangka alat komunikasi. Ing masyarakat Jawa ana undha usuk (tingkatan) panganggone basa. Dadi basa sing dienggo omongan ora padha antarane wong sing umure padha karo wong sing umure luwih tuwa. Kabeh mau jumbuh (sesuai) karo panguripane wong Jawa sing tansah ngupaya nganggo tata krama. Mula becike kita   minangka wong Jawa gelem sinau lan nganggo tata krama mau. Undha usuk basa Jawa ana 4, yaiku  Ngoko lugu Ngoko alus Krama lugu Krama alus 3      Supaya luwih jelas kepiye cara nganggone, wacanen andharan ing ngisor iki ! 1. Ngoko Lugu ·                Basa ngoko lugu, tembung-tembunge ngoko kabeh . ·         Biasane dienggo omong-omongan lan utawa ngomongake antarane wong sing umurane padha utawa meh padha lan wis k...
Baca selengkapnya

SERAT WULANGREH PUPUH SINOM (KLS 7 SEM 2)

Gambar
Serat Wulangreh Pupuh Sinom   Kompetensi Dasar 3.2.   M e m a h a mi teks Pi w ulang S e rat W ulang r e h pupuh Sinom   Indikator 3.1.1    Menyebutkan nama penulis “Serat Wulangreh” 3.1.2    Menjelaskan struktur “tembang macapat Sinom” 3.1.3    Mengajukan dan menjawab pertanyaan tentang isi Serat Wulangreh dalam pupuh “tembang macapat Sinom” 3.1.4    Menuliskan isi pokok tiap bait Serat Wulangreh dalam pupuh “tembang macapat Sinom”     Serat Wulangreh iku salah siji asiling karya satra jawa kang kawentar ( terkenal ). Isine Serat Wulangreh wujude tembang macapat kang ngemot ( memuat ) telulas (13) pupuh, yaiku 1.     Pupuh Dhandhanggula                     2.     Pupuh Kinanthi                 ...
Baca selengkapnya

CARITA RAMAYANA ( Materi BDR kelas 9 semester 1 )

Gambar
24 Juli 2021   PENILAIAN  1 KD  3.1 Memahami cerita wayang Ramayana lakon Anoman Duta 3.1.1 Mengartikan kata-kata yang dianggap sulit. 3.1.2 Mengajukan dan menjawab pertanyaan bacaan. 3.1.3 Menuliskan pesan yang terdapat dalam lakon cerita                          Sugeng enjang para siswa. Muga-muga para siswa pinaringan sehat. Aamiin... Mesthine para siswa wis tau nonton wayang, sanajan durung mesthi paham apa critane. Padahal isi crita wayang kuwi akeh sing ngandhut pitutur becik kanggo uripe manungsa sing gelem nggatekake. Wayang, tembung iku  bisa ditegesi wujude ayang-ayang ( bayangan yang tersamar ) mujudake gambaran uripe manungsa dhewe. Nah....sing penting saka crita mau, tujuane supaya bocah-bocah bisa methik pitutur/amanat sing ana ing jerone carita. Dina iki siswa-siswa bakal disuguhi wacan crita Ramayana sing judule Anoman Duta. Sadurunge kokwaca carita ing ngisor iki, teks wacan mau bi...
Baca selengkapnya