GEGURITAN

 KD 3.1 Memahami isi teks geguritan
3.1.1 Mengartikan kata-kata yang dianggap sulit dalam teks
3.1.2 Menjawab pertanyaan yang berkaitan dengan teks
3.1.3 Menuliskan amanat geguritan

 

GEGURITAN  (PUISI)





A.  Geguritan tradhisional

Guritan yaiku unen-unen (bentuk kebahasaan) ing basa Jawa sing mengandalkan purwakanthi (persajakan/ pengulangan bunyi) minangka kaendahane. Guritan asale saka tembung gurit sing tegese tulisan. 

Jaman biyen guritan ditulis kudu nganggo aturan. Jumlah barise ora mesthi, tapi paling sitik ana 4 gatra (baris). Saben barise jumlah suku kata lan guru lagu/persajakane digawe padha. Biasane diawali ukara  “Sun nggegurit”.

Tuladha :

Sun nggegurit  (saya berpuisi)
Lelakon jaman saiki  (kisah jaman sekarang)
Kabeh pemudha pemudhi  (semua pemuda dan pemudi)
kutha desa gunung sami  (di kota, desa, gunung, semuanya)
mung sinau kang den esthi   (hanya belajar yang diutamakan)

Gatekna, guritan ing dhuwur,  jumlah barise 4, jumlah suku katane padha kabeh yaiku 8, lan guru lagune kabeh  i.

 B.  Geguritan gagrag anyar (modern)

Geguritan gagrag anyar uga disebut puisi Jawa modern. Bentuk lan basane beda karo sing tradisional. Karangane luwih bebas, jumlah baris lan suku kata bebas ora ana aturan. Kaendahane ana ing pilihan kata (diksi), purwakanthi(persajakan)  lan lambang-lambang/kiasan.

 C.  Ngerteni isine geguritan

Sabenere isine geguritan iku padha bae karo jenis sastra liyane yaiku sing jenise crita kaya cerkak, cerbung, lan liyane. Tapi amarga geguritan iku ditulis kanthi ringkes. Dadi basa sing dienggo padhet. Mula luwih angel dipahami. Carane memahami geguritan supaya ngerti apa isi lan amanate, padha karo cara memahami tembang macapat. Luwih dhisik didata tembung-tembung sing angel, terus digoleki maknane. Bisa nganggo kamus, bisa uga dikira-kira saka hubungane karo tembung liyane ing geguritan mau (koherensi). Ati-ati, sebab geguritan sering nggunakake tembung-tembung sing duwe teges konotasi/kiasan. Yen wis ketemu tegese tembung mau siji lan sijine terus digandheng-gandheng dadi ukara/kalimat lan paragraph. 

 

TUGAS SISWA

1. Waca lan tulisen geguritan ing ngisor iki ing buku tulismu!

Guritan “Mustikaning Wanodya” anggitane Nini Klenyem kapethik saka panjebar Semangat No. 53, 31 Desember 2011)

Mustikaning Wanodya

Dudu ayu manis gandhes luwes cukup tumrap wanodya/
Sing kadhang malah dadi rebutaning para priya/
Uga dudu gebyaring emas rerenggan angga nomer sajuga/
Sing sok malah marahi dadiné  inceraning durjana/
Apa manèh busana yèn modhèl mlaha bisa gawé brahala/
Mripat nakal bakal nyipta pangèntha sing bakal bisa nggugah hawa/
Rongèh lan tregeling solah bawa mracihnani sudaning rega/
Galak sambang liringing nètra tandha asor ajining salira/
Oh genéya jaman saiki sing malah padha dianggo senjata/
Haya piyè kuwi, apa bener merga jagadé wis tuwa?/
 
Sing bener wanodya iku beciké/
Sing prasaja, limpat ing kawruh budi luhur wicaksana/
Grapyak marang kadang rowang yèn pinanggya/
yèn ngendika dèn arah-arah aywa kongsi gawé kuciwa/
Ruruh ririh solah tingkah tan lirwa ing trapsila/
Bekti asih, sandika mring dhawuhing yayah rèna/
Lamun mbésuk wis tekan wanciné pala krama/
Tresna tulus setya bekti marang garwa/

 

Negesi tembung angel :

1.      mustika : watu aji/permata (kemuliaan/kehormatan)
2.      wanodya         : wanita
3.      gandhes luwes : luwes banget 
4.      priya : wong lanang
5.      rerenggan               : perhiasan
6.      angga : awak
7.      sajuga : lan/ uga
8.      durjana :  penjahat
9.      mlaha                      : terbuka (Ind) 
10.    brahala                    : maksiat/kejahatan
11.  pangèntha                  : bayangan, angen-angen
12.  rongeh                       : royal
13.  tregel                         : kemayu
14.  solah bawa                : tingkah laku
15.  mracihnani                : dadi tandha
16.  sambang liring          : lirak-lirik
17.  nètra                          : mripat.
18.  asor                            : rendah
19.  salira                          : awak
20.  prasaja                        : sederhana
21.  limpat  ing kawruh     : pinter ing ilmu
22.  grapyak                       : ramah
23.  kadang rowang            : kanca batir
24.  pinanggya                    : ketemu
25.  den arah-arah               : dikira-kira
26.  aywa kongsi                 : aja nganti
27.  ruruh ririh                     : alus sabar
28.  tan lirwa                       : ora lali
29.  trapsila                          : tata krama
30.  sandika                         : manut
31.  dhawuh                         : prentah
32.  yayah rena                    : bapak ibu
33.  pala krama                    : nikah
34.  garwa                            : bojo
35. ngendika                        : ngomong


     

2. Tulisen terjemahane geguritan mau kaya ing ngisor iki supaya lancar anggone njawab soal ing form mengko!

TERJEMAHAN GEGURITAN
Rupa sing ayu manis utawa tingkah luwes dianggep durung cukup kanggone wanita//
Sing kadhang malah dadi bahan rebutane wong lanang//
Uga dudu gebyare emas perhiasane awak sing dadi nomer siji//
Sing malah marai dadi incerane penjahat//
Apamaneh nganggo klambi sing modele terbuka bisa gawe bencana//
Mripat nakal tukul imajinasi/angen-angen sing bisa nggugah napsu//
Tingkah laku sing royal genit malah dadi tandha regane awakmu suda/murahan//
Mripat sing panyawange lirak-lirik uga ngedhunake harga dirimu//
Tapi kenapa jaman saiki kabeh mau malah dienggo senjata//
Piye kuwi, apa merga donya iki wis tuwa ?//
 
Wanita sing bener kuwi becike//
Sing sederhana, pinter ilmune luhur budine lan bijaksana//
Ramah marang kanca batir yen ketemu//
Yen ngomong di kira-kira aja nganti gawe kuciwa/ lara ati//
Lemah lembut alus tingkah lakune ora ninggalke tata krama//
Bekti lan tresna, manut maring pituture bapa ibu//
Yen besuk wis tekan wayahe krama ( nikah )//
tresna tulus setya bekti marang garwane//


TUGAS SISWA

Tulisen lan garapen soal-soal iki ing bukumu supaya mengko gampang olehe nggarap ing Google Format!
  1. Apa irah-irahan geguritan ing dhuwur?
  2. Geguritan ing dhuwur ditujokake kanggo sapa?
  3. Apa sing dadi incerane durjana manut isine geguritan mau?
  4. Mripat nakal bakal nyipta pangentha sing bisa nggugah hawa. Tegese tembung "pangentha" yaiku .....
  5. Tingkah wanita sing royal iku malah ndadekake apa?
  6. Ing ngisor iki tandhane wanita sing prasaja yaiku ......
  7. Becike ngomong iku dikira-kira supaya ora nyinggung perasaan. Ukara mau mujudake isine baris ke pira?
  8. Kepiye sikap sing becik marang wong Tuwa?
  9. Wanita uga kudu pinter ing pengetahuane amarga .....
  10. Menawa wanita wis diwasa lan krama, kudu setya lan bekti marang sapa? 





Komentar

Posting Komentar

Postingan populer dari blog ini

Gambar
  UNDHA USUK BASA JAWA             Srawung ing masyarakat antarane wong siji lan liyane   mbutuhake basa   minangka alat komunikasi. Ing masyarakat Jawa ana undha usuk (tingkatan) panganggone basa. Dadi basa sing dienggo omongan ora padha antarane wong sing umure padha karo wong sing umure luwih tuwa. Kabeh mau jumbuh (sesuai) karo panguripane wong Jawa sing tansah ngupaya nganggo tata krama. Mula becike kita   minangka wong Jawa gelem sinau lan nganggo tata krama mau. Undha usuk basa Jawa ana 4, yaiku  Ngoko lugu Ngoko alus Krama lugu Krama alus 3      Supaya luwih jelas kepiye cara nganggone, wacanen andharan ing ngisor iki ! 1. Ngoko Lugu ·                Basa ngoko lugu, tembung-tembunge ngoko kabeh . ·         Biasane dienggo omong-omongan lan utawa ngomongake antarane wong sing umurane padha utawa meh padha lan wis k...
Baca selengkapnya

SERAT WULANGREH PUPUH SINOM (KLS 7 SEM 2)

Gambar
Serat Wulangreh Pupuh Sinom   Kompetensi Dasar 3.2.   M e m a h a mi teks Pi w ulang S e rat W ulang r e h pupuh Sinom   Indikator 3.1.1    Menyebutkan nama penulis “Serat Wulangreh” 3.1.2    Menjelaskan struktur “tembang macapat Sinom” 3.1.3    Mengajukan dan menjawab pertanyaan tentang isi Serat Wulangreh dalam pupuh “tembang macapat Sinom” 3.1.4    Menuliskan isi pokok tiap bait Serat Wulangreh dalam pupuh “tembang macapat Sinom”     Serat Wulangreh iku salah siji asiling karya satra jawa kang kawentar ( terkenal ). Isine Serat Wulangreh wujude tembang macapat kang ngemot ( memuat ) telulas (13) pupuh, yaiku 1.     Pupuh Dhandhanggula                     2.     Pupuh Kinanthi                 ...
Baca selengkapnya

CARITA RAMAYANA ( Materi BDR kelas 9 semester 1 )

Gambar
24 Juli 2021   PENILAIAN  1 KD  3.1 Memahami cerita wayang Ramayana lakon Anoman Duta 3.1.1 Mengartikan kata-kata yang dianggap sulit. 3.1.2 Mengajukan dan menjawab pertanyaan bacaan. 3.1.3 Menuliskan pesan yang terdapat dalam lakon cerita                          Sugeng enjang para siswa. Muga-muga para siswa pinaringan sehat. Aamiin... Mesthine para siswa wis tau nonton wayang, sanajan durung mesthi paham apa critane. Padahal isi crita wayang kuwi akeh sing ngandhut pitutur becik kanggo uripe manungsa sing gelem nggatekake. Wayang, tembung iku  bisa ditegesi wujude ayang-ayang ( bayangan yang tersamar ) mujudake gambaran uripe manungsa dhewe. Nah....sing penting saka crita mau, tujuane supaya bocah-bocah bisa methik pitutur/amanat sing ana ing jerone carita. Dina iki siswa-siswa bakal disuguhi wacan crita Ramayana sing judule Anoman Duta. Sadurunge kokwaca carita ing ngisor iki, teks wacan mau bi...
Baca selengkapnya