TEKS DESKRIPSI PERISTIWA BUDAYA



 

KD 3.1. Memahami isi teks deskriptif tentang peristiwa budaya 

Indikator :

3.1.1    Menemukan dan mencatat kata-kata yang dianggap sulit yang terdapat dalam wacana deskriptif tentang peristiwa budaya

3.1.2    Mengartikan kata-kata yang dianggap sulit dalam konteks kalimat

3.1.3.   Mengajukan dan menjawab pertanyaan wacana yang didengarkan dalam ragam krama



TEKS DESKRIPTIF PERISTIWA BUDAYA



A.      Teks Deskripsi

Jenis tulisan ana papat yaiku: Eksposisi, Deskripsi, Argumentasi, lan Narasi  ( supaya nggampangake, yen disingkat EDAN ). Jenis tulisan mau ana kanggone dhewe-dhewe. Ana sing kanggo nulis crita,  laporan, pidato, biografi, lan sapanunggalane. Ing wulangan iki para siswa arep dijak sinau ngenani wacana deskriptif.

Wacana deskriptif  yaiku wacana sing nggambarake kanthi jelas sawijining kaanan kanthi nggunakake tembung-tembung sing cetha utawa gamblang saengga sing maca kaya-kaya ngrasakake, ngalami utawa meruhi dhewe apa-apa kang tinulis. Titikane wacan deskriptif iku: 1). nyata, tegese bisa dirasa dening panca indra, 2). sifate obyektif, tegese apa kang digambarake iku apa anane. 3) nggambarake obyek kanthi sajelas-jelase..

Dene wujude karangan deskripsi iku:

             1.          Deskripsi spasial, yaiku nggambarake samubarang kang arupa ruang utawa panggonan.

             2.          Deskripsi impresionatis, yaiku nggambarake samubarang kanthi cara subyektif adhedhasar kesan utawa pandhangan pribadhi penulise.

             3.          Deskripsi realistis, yaiku nggambarake samubarang kanthi obyektif apa anane tanpa kesan apa pendapate penulis.


Gatekna wacan deskripsi ngisor iki lan tulis bab-bab penting sing ana ing wacan!

Memetri Bumi Desa Karangsembung Cilacap

Prastawa budaya adat tradhisi akeh ditindakake ing desa-desa saindenging Nusantara, utamane ing tanah Jawa. Kejaba memetri bumi, ana kang ngarani bersih desa, sedhekah bumi lan uga ana kang ngarani baritan, utawa liyane. Senajan arane beda-beda, nanging  tujuane ya meh padha wae. Anggone nindakake budaya tradhisi memetri bumi, pilihan sasine, dina lan pasarane, saben desa duwe petung dhewe-dhewe, miturut adate dhewe-dhewe. Ana kang nindakake ing sasi Sura, ana uga ing sasi Mulud lan ana uga ing sasi Dzulkaidah utawa Apit, sarta sasi liyane, manut keyakinane para warga desane.

Kaya kang ditindakake dening warga desa Karangsembung Kecamatan Nusawu­ngu Kabupaten Cilacap, ing dina Setu Kliwon tanggal 11 Dzulkaidah 1949, utawa tanggal 13 Agustus 2016, sisan memperingati dina Kamardhikan Republik Indonesia kang kaping 71 kepungkur.

Tembung memetri tegese ngrumat kan­thi becik, ngudi supaya dadi luwih apik. Me­me­tri bumi, karepe njaga lan ngudi supaya lestari Bumi saisine, utawa diarani amemayu hayuning bawana. Mula sadurunge adicara mi­runggan Memetri Bumi, para warga desa  gotong royong  ngadani resik-resik lingkungan padesan. Ing dina kang wis ditetepake, wanci awan adate ana acara ruwat bumi lumantar pagelaran Ringgit Pur­wa kang ditindakake dening dhalang ruwa­tan, bubar wektu mahgrib biasane diterus­ake gelar wilujengan, banjur wengine di­te­rus­ake pagelaran Wayang Kulit sawengi natas.

Mangkono uga kang lumaku ing desa Karangsembung Kecamatan Nusawungu. Mung ana bedane, warga desa Karangsem­bung duwe keyakinan menawa ngadani wilujengan memetri bumi, kudu korban nyem­beleh kebo paling ora 2 (loro) utawa sarakit. Daging gulu sapengisor tekan suku didumake marang para warga, dene endhase diolah bebarengan kanggo srana ana ing gelar wilujengan/slametan. Mesthi wae butuh ragad ora se­thithik, kabeh warga kanthi ikhlas padha nyengkuyung urunan, semampune.


   

      



Desa Karangsembung jembare 303.199 Ha, jumlah pendhudhuk udakara 5053 jiwa, dumadi saka 908 KK, pangupajiwane saperangan gedhe petani lan buruh tani. Ananging khusus ing taun iki, warga desa Karangsembung utamane Rakhmat Kepala Desa sarta Tarman Hadiprayitno minangka pangarsane Pa­ni­tia, kaya kajugrugan wukir sari, kalu­beran segara madu, amarga tanpa kanyana nampa sumbangan lumantar program pengabdian masyarakat saka Universitas Indraprasta PGRI (UNINDRA) Jakarta pimpinane Rektor Prof. Dr. H. Sumaryoto, sumbangane yaiku pagelaran Wayang Kulit kanthi mentasake dhalang kon­dhang Ki. H. Anom Suroto lan Ki Mohamad Pra­setyo Pamungkas Bayu Aji saka Sura­karta, saubarampene.




Ing bengi kuwi sebagian Dosen sarta  Mahasiswa Universitas Indraprasta PGRI Jakarta kang dumadi saka Fakultas Ilmu Pendidikan & Ilmu Sosial (FIPPS) Fakultas Tehnik Matematika & IPA (FTMIPA), Fakultas Bahasa dan Seni (FBS) lan Fakultas Pascasarjana (FPs), klakon ngumpul melu nyengkuyung ngadani wiluje­ngan ing Bale Desa Karangsembung sarta wungon bareng warga ing lapangan desa Ka­rangsembung. Senajan udan grimis, lapa­ngan papan pagelaran wis prasasat kaya sawah mentas diluku, suprandene penontone meksa mbludak, ora mung saka Ke­ca­ma­tan Nusawungu sakukuban, nanging uga saka njaban tlatah. Ora keri Bupati Cilacap, H. Tatto Suwarto Pamuji kang diampingi dening Camat Nusawungu, Agus Firmanuddin, S.Sos, Msi, dalah para pejabat liyane uga rawuh.

 Unindra Jakarta kang duwe mahasiswa cacah 34.000, kanthi semboyan Murah ananging ora murahan, anggone nguri-uri budaya, uta­mane kesenian Jawa, dudu mung slogan thok nanging dipersudi kanthi temen tenan, kasil gawe gumun lan erame warga bebra­yan. Ing bengi kuwi, kanggo miwiti pagelaran, para Dosen Unindra mitontonake kepinterane olah seni Karawitan lan pentas dhalang cilik Nakmas Raffi (8 taun) kang mentasake sabet perang kembang-Bambangan mungsuh Cakil lan Buta babrah, sarta nakmas Prama (10 taun) kang mentasake saben budhalan tekan perang gagal, lan uga pagelaran Beksan Lenggeran Banyumasan. Senajan Raffi lan Prama wiwit lahir nganti saiki mapan ana ing Jakarta, anggone ngolah antawacana. Sabet wa­yang, dhodhogan, keprakan sarta mranata wiramaning gendhing, katon wis wasis lan trampil, bisa gawe gumun lan cingake para penonton. Bareng ditelusuri nyatane Raffi lan Prama kuwi klebu putra wayahe Prof. Dr. H. Sumaryoto sang rektor Unindra.

Minangka penutupe acara memetri bumi, bengi kuwi pagelaran Wayang Kulit sawengi natas, dhalang Ki H.Anom Suroto lan Ki.MPP. Bayu Aji anggelarake crita Sesaji Raja Suya utawa Pendhawa Syukur, kang uga sinengkuyung dening Mbak Agi, wa­ranggana asli saka negara Hongaria kang wasis nyindhen lan teteh ngendikan basa Jawa.


(http://panjebarsemangat.co.id/berita-900-memetri-bumi-desa-karangsembung-cilacap-.html diakses 10-12-2017) 



TUGAS SISWA

Sawise diwaca teks deskripsi ing dhuwur, jawab pitakonam  ing ngisor iki! Tulis ing buku tulismu!

                                

1.      Apa irah-irahane ( judul) wacan ing ndhuwur ?

 Wangsulan            : Irah-irahan waosan ing nginggil inggih punika Memetri Bumi Desa Karangsembung Cilacap.

2.      Kapan prastawa Memetri Bumi ing desa Karangsembung dianakake?

Wangsulan            : .............................................................................................

                                .............................................................................................

3.      Sapa kang dadi kepala desa wektu iku ing desa Karangsembung?

Wangsulan            : .............................................................................................

                                 ............................................................................................

4.      Sapa kang dadi ketua panitia ing adicara mau?

Wangsulan            : .............................................................................................

                                .............................................................................................

5.      Terangna apa kang dadi sumbangan kanggo panitia memetri bumi?

Wangsulan            :  ............................................................................................

                                 ............................................................................................

                                 ............................................................................................

6.      Ing adicara memetri bumi mau, apa kang dikorbanake lan banjur dikapakae?

Wangsulan            :  ............................................................................................

                                 ...........................................................................................

                                 ...........................................................................................

7.      Sebutna pentas purwakane ( wiwitan) pagelaran wayang ing wacan?

Wangsulan            :  ...........................................................................................

                                 ...........................................................................................

                                 ...........................................................................................

8.      Apa sebabe para warga padha gumun nalika nonton wayang ?

Wangsulan            :  ..........................................................................................

                                 ..........................................................................................

                                 .........................................................................................

9.      Sebutna lakon wayang kang ditontonake ing adicara memetri bumi mau !

Wangsulan            :  ........................................................................................

                                 ........................................................................................

                                 .........................................................................................

10.  Terangna lumakune adicara memetri bumi ?

Wangsulan            :  ............................................................................................

                                 ............................................................................................

           

Kanthi njawab pitakonan nomer 1-10 siswa wis padha karo ngringkes isine teks ing dhuwur mau.
Bar kuwi bisa nggarap soal-soal ing google form!

Komentar

Posting Komentar

Postingan populer dari blog ini

Gambar
  UNDHA USUK BASA JAWA             Srawung ing masyarakat antarane wong siji lan liyane   mbutuhake basa   minangka alat komunikasi. Ing masyarakat Jawa ana undha usuk (tingkatan) panganggone basa. Dadi basa sing dienggo omongan ora padha antarane wong sing umure padha karo wong sing umure luwih tuwa. Kabeh mau jumbuh (sesuai) karo panguripane wong Jawa sing tansah ngupaya nganggo tata krama. Mula becike kita   minangka wong Jawa gelem sinau lan nganggo tata krama mau. Undha usuk basa Jawa ana 4, yaiku  Ngoko lugu Ngoko alus Krama lugu Krama alus 3      Supaya luwih jelas kepiye cara nganggone, wacanen andharan ing ngisor iki ! 1. Ngoko Lugu ·                Basa ngoko lugu, tembung-tembunge ngoko kabeh . ·         Biasane dienggo omong-omongan lan utawa ngomongake antarane wong sing umurane padha utawa meh padha lan wis k...
Baca selengkapnya

SERAT WULANGREH PUPUH SINOM (KLS 7 SEM 2)

Gambar
Serat Wulangreh Pupuh Sinom   Kompetensi Dasar 3.2.   M e m a h a mi teks Pi w ulang S e rat W ulang r e h pupuh Sinom   Indikator 3.1.1    Menyebutkan nama penulis “Serat Wulangreh” 3.1.2    Menjelaskan struktur “tembang macapat Sinom” 3.1.3    Mengajukan dan menjawab pertanyaan tentang isi Serat Wulangreh dalam pupuh “tembang macapat Sinom” 3.1.4    Menuliskan isi pokok tiap bait Serat Wulangreh dalam pupuh “tembang macapat Sinom”     Serat Wulangreh iku salah siji asiling karya satra jawa kang kawentar ( terkenal ). Isine Serat Wulangreh wujude tembang macapat kang ngemot ( memuat ) telulas (13) pupuh, yaiku 1.     Pupuh Dhandhanggula                     2.     Pupuh Kinanthi                 ...
Baca selengkapnya

CARITA RAMAYANA ( Materi BDR kelas 9 semester 1 )

Gambar
24 Juli 2021   PENILAIAN  1 KD  3.1 Memahami cerita wayang Ramayana lakon Anoman Duta 3.1.1 Mengartikan kata-kata yang dianggap sulit. 3.1.2 Mengajukan dan menjawab pertanyaan bacaan. 3.1.3 Menuliskan pesan yang terdapat dalam lakon cerita                          Sugeng enjang para siswa. Muga-muga para siswa pinaringan sehat. Aamiin... Mesthine para siswa wis tau nonton wayang, sanajan durung mesthi paham apa critane. Padahal isi crita wayang kuwi akeh sing ngandhut pitutur becik kanggo uripe manungsa sing gelem nggatekake. Wayang, tembung iku  bisa ditegesi wujude ayang-ayang ( bayangan yang tersamar ) mujudake gambaran uripe manungsa dhewe. Nah....sing penting saka crita mau, tujuane supaya bocah-bocah bisa methik pitutur/amanat sing ana ing jerone carita. Dina iki siswa-siswa bakal disuguhi wacan crita Ramayana sing judule Anoman Duta. Sadurunge kokwaca carita ing ngisor iki, teks wacan mau bi...
Baca selengkapnya