NGARANG TEMBANG MACAPAT

NGARANG TEMBANG MACAPAT DHANDHANGGULA

 

KD 4.2  Menulis syair tembang macapat Dhandhanggula karya sendiri

 

Sugeng enjang para siswa.

Sugeng pepanggihan malih ing BDR Bahasa Jawa.

Aja bosen sinau!

Sapa sing temen, cita-citane bakal tinemu.  Aamiin.......

 

            Minggu wingi bocah-bocah wis sinau pathokane tembang macapat.

Pathokane tembang macapat ana werna telu yaiku :

      1.            guru gatra

      2.            guru wilangan

      3.            guru lagu

Apa karepe pathokan werna telu iku mau? Delengen meneh buku cathetanmu! utawa bisa dibukak blog kanthi alamat iki  https://belajarbsjawa08.blogspot.com/2020/08/tembang-macapat-kelas-9.html  !

            Minggu iki kita arep sinau ngarang tembang macapat.  Aja kuatir angel. Apa bae katon angel yen durung dicoba.  Waca lan tulisen piwulang ing ngisor iki ing buku cathetanmu mapel Bahasa Jawa :

 

CARANE  NGARANG  TEMBANG MACAPAT

1.      -  Golek conto/ tuladha tembang  Dhandhanggula sing wis dadi

2.      -  Conto tembang Dhandhanggula sing wis dadi mau terus diudhari ( diuraikan ) adhedhasar guru gatra, guru  wilangan lan guru lagune

3.      -  Milih tema

4.      -  Milih tembung-tembung ( kata ) sing cocok karo temane

5.      Tembung-tembung mau ditata dadi gatra/ larik-larik aja lali kudu trep ( sesuai ) karo pathokane tembang yaiku guru gatra, guru wilangan lan guru lagune

 

Saiki dideleng  proses/ praktek ngarang tembang ing ngisor iki !

-  Golek tembang sing wis dadi kaya conto ing ngisor iki

-  Saben larike ditulis angka urute supaya gampang olehe ngetung guru gatra

 

1. Nanging yen sira nggeguru kaki,
2. amiliha manungsa kang nyata,
3. ingkang becik martabate,
4. sarta kang wruh ing khukum,
5. kang ngibadah lan kang wirangi,
6. sokur oleh wong tapa,
7. ingkang wus amungkul,
8. tan mikir pawewehing liyan,
9. iku pantes sira guronana kaki,
10. sartane kawruhana


- Diudhari ( diuraikan) pathokane tembang :


1.       Guru gatra ( larik )  jumlahe ana  : 10 

 

2.      Guru wilangan ( suku kata ) :

gatra 1 : 10

gatra 2 : 10

gatra 3 : 8

gatra 4 : 7

gatra 5 : 9

gatra 6 : 7

gatra 7 : 6

gatra 8 : 8

gatra 9 : 12

gatra 10 :  7

 

3.      Guru lagune ( swara a, i, u, e, o ing akhir larik )  yaiku  :

gatra 1 :  i

gatra 2 :  a

gatra 3 :  e

gatra 4 :  u

gatra 5 :  i

gatra 6 :  a

gatra 7 :  u

gatra 8 :  a

gatra 9 :  i

gatra 10 :  a

 

·         Minangka conto kita milih tema  : mengeti proklamasi kamardikan RI

 

1. Kita nggoleki tembung-tembung sing cocok karo tema mau,

2. Ditata dadi larik-larik kanthi nggatekake guru wilangan ( jumlah suku kata ) lan guru lagu ( tibane a, i, u, e, o ) ing akhir larik. Kudu padha karo pathokan tembang Dhandhanggula kaya ing contone.

 

Dadine  kaya iki :

1. ayo para pemuda pemudi  ( 10 i )

2. kabeh melu aja ketinggalan ( 10 a )

3. mengeti kamardikane ( 8 e )

4. Indonesi-a iku ( 7 u )

5. wis pitu lima taun iki ( 9 i )

6. bebas saka penjajah  ( 7 a )

7. lan terus membangun  ( 6 u )

8. tugas kita para mudha  ( 8 a )

9. nerusaken cita-cita ingkang suci  ( 12 i )

10. adil makmur santosa ( 7 a )


PENILAIAN  5


TUGAS   SISWA

 Tugase para siswa yaiku ngarang tembang macapat Dhandhanggula kaya conto ing dhuwur, tapi kanthi tema :

BDR  ( Belajar Dari Rumah ) 1 pada/bait wae. Ditulis neng bukumu catetan mapel Bahasa Jawa.

Yen wis dadi, tembang gaweanmu mau diketik maneh ing Google Form, lan dikirim kaya  tugas minggu wingi.  

Tiru cara penulisan tembang kaya ing dhuwur supaya Bu Guru gampang olehe ngoreksi!

 GARAPEN SING JUJUR, AJA SENENG NURUN KARYANE WONG LIYA!

Kanggo nggarap, klik link ing ngisor iki!


https://forms.gle/3tZ3voqcxzVbr88C6

Komentar

Posting Komentar

Postingan populer dari blog ini

Gambar
  UNDHA USUK BASA JAWA             Srawung ing masyarakat antarane wong siji lan liyane   mbutuhake basa   minangka alat komunikasi. Ing masyarakat Jawa ana undha usuk (tingkatan) panganggone basa. Dadi basa sing dienggo omongan ora padha antarane wong sing umure padha karo wong sing umure luwih tuwa. Kabeh mau jumbuh (sesuai) karo panguripane wong Jawa sing tansah ngupaya nganggo tata krama. Mula becike kita   minangka wong Jawa gelem sinau lan nganggo tata krama mau. Undha usuk basa Jawa ana 4, yaiku  Ngoko lugu Ngoko alus Krama lugu Krama alus 3      Supaya luwih jelas kepiye cara nganggone, wacanen andharan ing ngisor iki ! 1. Ngoko Lugu ·                Basa ngoko lugu, tembung-tembunge ngoko kabeh . ·         Biasane dienggo omong-omongan lan utawa ngomongake antarane wong sing umurane padha utawa meh padha lan wis k...
Baca selengkapnya

SERAT WULANGREH PUPUH SINOM (KLS 7 SEM 2)

Gambar
Serat Wulangreh Pupuh Sinom   Kompetensi Dasar 3.2.   M e m a h a mi teks Pi w ulang S e rat W ulang r e h pupuh Sinom   Indikator 3.1.1    Menyebutkan nama penulis “Serat Wulangreh” 3.1.2    Menjelaskan struktur “tembang macapat Sinom” 3.1.3    Mengajukan dan menjawab pertanyaan tentang isi Serat Wulangreh dalam pupuh “tembang macapat Sinom” 3.1.4    Menuliskan isi pokok tiap bait Serat Wulangreh dalam pupuh “tembang macapat Sinom”     Serat Wulangreh iku salah siji asiling karya satra jawa kang kawentar ( terkenal ). Isine Serat Wulangreh wujude tembang macapat kang ngemot ( memuat ) telulas (13) pupuh, yaiku 1.     Pupuh Dhandhanggula                     2.     Pupuh Kinanthi                 ...
Baca selengkapnya

CARITA RAMAYANA ( Materi BDR kelas 9 semester 1 )

Gambar
24 Juli 2021   PENILAIAN  1 KD  3.1 Memahami cerita wayang Ramayana lakon Anoman Duta 3.1.1 Mengartikan kata-kata yang dianggap sulit. 3.1.2 Mengajukan dan menjawab pertanyaan bacaan. 3.1.3 Menuliskan pesan yang terdapat dalam lakon cerita                          Sugeng enjang para siswa. Muga-muga para siswa pinaringan sehat. Aamiin... Mesthine para siswa wis tau nonton wayang, sanajan durung mesthi paham apa critane. Padahal isi crita wayang kuwi akeh sing ngandhut pitutur becik kanggo uripe manungsa sing gelem nggatekake. Wayang, tembung iku  bisa ditegesi wujude ayang-ayang ( bayangan yang tersamar ) mujudake gambaran uripe manungsa dhewe. Nah....sing penting saka crita mau, tujuane supaya bocah-bocah bisa methik pitutur/amanat sing ana ing jerone carita. Dina iki siswa-siswa bakal disuguhi wacan crita Ramayana sing judule Anoman Duta. Sadurunge kokwaca carita ing ngisor iki, teks wacan mau bi...
Baca selengkapnya